lyricsrail.com

M: Abhie na jao chhod kar
Ke dil abhi bhara nahi
Abhii na jao chhod kar
Ke dil abhi bhara nahi

Abhi abhi toh aayi ho
Abhi abhi toh
Abhi abhi toh aayi ho
Bahar ban ke chhayi ho
Hawaa zara mehek toh le
Nazar zara behek toh le
Ye shaam dhal toh le zara

Ye shaam dhal toh le zara
Ye dil sambhal toh le zara
Main Thodi der jee toh lu
Nashe ke ghoont pee toh lu (2)
Abhi toh kuch kahan nahi
Abhi toh kuch suna nahi
Abhi na jao chhod kar
Ke dil abhi bhara nahi

F: Sitarein jhilmila uthein (2)
Charag jhagmaga uthein
Bas ab na mujhko tokna
Na badd ke raah rok na
Agar main ruk gayi abhi
Toh jaa na paungi kabhi
Yahi kahoge tum sada
Ke dil abhi nahi bhara
Jo khatm ho kisi jagah
Ye aisa silsila nahi

M: Abhi nahi Abhi nahi

F: Nahi Nahi Nahi Nahi

M: Abhi na jao chhod kar
Ke dil abhi Bhara nahi

M: Adhuri Aas . .
Adhuri aas chhod ke
Adhuri pyaas chhod ke
Jo roz yunhi jaaogi
Toh kis tarha nibhaogi
Ke Zindagi ki raah mein
Jawa dilon ke chaah mein
Kai maqam aayenge
Jo humko aasmaayenge
Bura na mano baat ka
Ye pyaar hai gila nahi

F: Haan . . .yahi kahoge tum sada
Ke dil abhi bhara nahi
M: Haan . . dil abhi bhara nahi
F: Nahi nahi nahi nahi

Written by : Sahir Ludhianvi

LEAVE A REPLY

Please enter your comment!
Please enter your name here